Wariye Afrax Yare oo ku Geeriyooday magaalada Muqdisho

[Deeq A.]

Allaha u naxariistee Wariye Sheekh Cabdullahi Cali (Afrax Yare) ayaa xalay ku geeriyoodey magaalada Muqdisho, isagoo muddooyinkii ugu danbeeyayay ku xanuunsanaa caasimadda, sidoo kale wuxuu ka tirsanaan jiray wariyeyaashii raadiyo Muqdisho 80-kii illaa 90-kii.

Waxaa uu ka mid ahaa soo saarayaashii barnaamijka Bandhiga iyo falooyinkii raadiyaha ka bixi jiray, waxaa uu ka soo shaqeeyey tababarna uu ku soo qaatay BBC laanta Soomaaliga.

Allah u naxariistee marxuumka waxaa uu ku dhashay magaalada Muqdisho sanadku markuu ahaa 1953-dii, waxaa uu waxbarashada hoose iyo sare ku qaatay dugsiyada Shibis, Bartamaha, 15-ka May ayuu dugsiga sare ku dhammeystay, isagoo haddana ka mid noqday ardaydii Kulliyada Kiimikada ee Jaamacadda Ummadda Soomaliyeed (Gahayr).

Allaha u naxariistee xalay ayuu ku geeriyooday magaalada Muqdish, waxaana ka tacsiyadeeyey guud ahaan bahda warbaahinta ee uu ka baxay.

Innaa lilaah wa innaa ileyhi raajicuun.

View the full article