Ciidamada Xoogga dalka oo howl-gallo ka sameeyey gobolka Hiiraan

[Deeq A.]

Ciidamo ka tirsan kuwa millateriga Soomaaliya gaar ahaan qeybta 27aad ayaa waxaa ay howl-gallo kala duwan ka sameeyeen deegaano ka tirsan gobolka Hiiraan.

Saraakiisha Ciidamada ayaa waxa ay sheegeen in howl-gallada ay ka sameeyeen inta u dhaxeysa degmooyinka Buulo Burde iyo Jalalaqsi ee gobolkaasi.

Howl-galka ayaa saraakiisha hoggaamineysa waxa ay sheegeen inay ku qab-qabteen dad looga shakisan yahay inay ka tirsan yihiin Al-Shabaab, islamarkaana ay baarayaan.

Deegaano iyo degmooyin ka tirsan gobolka Hiiraan ayaa waxaa ciidamada dowladda & kuwa  AMISOM ay ka fuliyaan howl-gallo kala duwan, iyada oo todobaadyadii la soo dhaafay weerar madaafiic ah lagu qaaday saldhigga ciidamada Jabuuti ee Beledweyne.

View the full article