Loolankii Kenya & Jabuuti ee Kursiga Golaha Amaanka QM oo lagu kala calaf qaaday+M/weyne Geelle oo war rasmiya ka soo saaray

[Deeq A.]

Loolankii Kenya & Jabuuti ee Kursiga Golaha Amaanka QM oo lagu kala calaf qaaday

 

Kenya ayaa ku guulaysatay kursiga aan joogtada ahayn ee Qaaradda Afrika ee Golaha Ammaanka ee Qaramada Midoobay.

Kenya oo laga doonayey inay hesho 128 waxay heshay 129, halka Jabuuti oo la loolameysay ay heshay 62 cod.

Codeynta maanta ayaa ahayd tii labaad, kadib markii dalalka Jabuuti iyo Kenya ay shalay isku mari waayeen codeyntii loo qaaday.

Codeyntii shalay ayaa waxa ay Jabuuti heshay 78 cod, halka Kenya ay heshay 113 cod, hase yeeshee midna ma helin 128-ka cod ee loo baahnaa in la guuleysto, taasi oo qasabtay in maanta lagu noqdo codeyn kale.

Waa markii saddexaad oo ay Kenya ku guuleysato kursiga, waxayna ku fadhin doontaa laba sano, waxayna xoojineysaa galaangalka Kenya u leedahay sheegashada badda Somalia iyo dacwada hortaala Maxkamada ICG.

Qoraalkii M/weyne Geelle:-

We extend our congratulations to Kenya as the newest representative of our region at the @UNSC. I am convinced they will bring valuable contributions to the debates during their tenure in the Security Council. My congratulations to H.E Uhuru Kenyatta and the Kenyan nation.

— Ismail Omar Guelleh (@IsmailOguelleh) June 18, 2020

Qaran News