Dagaal culus oo ciidamada Jubaland iyo Al-shabaab ku dhexmaray duleedka Dhoobley

[Deeq A.]

Wararka ka imaanaya duleedka degmada Dhoobley ee gobolka Jubada hoose ayaa sheegaya in halkaasi dagaal culus ku dhexmaray Ciidamada Daraawiishta dowlad goboleedka Jubaland iyo malayshiyaad ka tirsan Al-shabaab.

Dagaalkaas ayaa bilowday kadib markii ciidamada Jubaland ay weerar ku qaadeen degaan u dhow magaalada Dhoobley halkaas oo ay isku urursanayeen malayshiyaad ka tirsan Al-shabaab oo doonayay in ay weerarro fuliyaan.

Saraakiisha Ciidamada Daraawiishta Jubaland oo ka warbixiyay dagaalka ayaa sheegay in ay khasaare xooggan gaarsiiyeen malayshiyaadkii Al-shabaab ee degaankaas ku sugnaa islamarkaana ay kala firxadeen.

Sidoo kale saraakiisha ayaa sheegay in ay hawlgallada sii wadayaan si Al-shabaab looga saaro degaannada ay weli ka joogaan gobolka Jubada hoose iyo dhammaan degaannada dowlad goboleedka Jubaland.

Al-shabaab weli dhankooda war kama soo saarin dagaalka dhexmaray iyaga iyo ciidamada Jubaland ee ku sugan Dhoobleey.

PUNTLAND POST

The post Dagaal culus oo ciidamada Jubaland iyo Al-shabaab ku dhexmaray duleedka Dhoobley appeared first on Puntland Post.