DF oo gurmad u direyso deegaanada ay ka jiraan xaaladaha adag

[Deeq A.]

Ra’iisul wasaaraha xukuumadda federaalka Soomaaliya mudane Xasan Cali Khayre ayaa guddoomiyay shir ka dhacay magaalada Muqdisho, kaas oo looga hadlay wax u qabashada deegaannada ay ka jiraan xaaladaha daran ee xagga bani’aadanimada.

Shirkaasi oo ay isugu yimaadeen guddiga qaran ee xakameynta cudurka Covid-19, waxaa kaloo ka qeyb-galay Madaxweynaha Galmudug mudane Axmed Cabdi Kaariye (Qoor-Qoor) oo ka warbixiyay xaaladihii ugu dambeeyay ee saameynta safmarka ee Covid-19.

Shirkaan oo ahaa mid muhiim ah waxaa sidoo kale lagu go’aamiyay in gargaar deg-deg ah la gaarsiiyo deegaanada ay xaaladaha daran ka jiraan oo Galmudug ay ka mid tahay.

View the full article