Madaxweyne Deni oo cafis u fidiyey maxaabiis fara badan

[Deeq A.]

Garoowe (Caasimada Online) – Madaxweynaha dowlad goboleedka Puntland, Siciid Cabdullaahi (Deni) ayaa maanta cafis u fudiyey maxaabiis ku xirnaa mamulkaasi.

Qoraal ka soo baxay xafiiska Deni ayaa waxaa lagu sheegay in illaa 194 maxbuus uu madaxweynuhu u fudiyey cafis, kuwaas oo ku eedeysnaa dambiyo fudud.

Sidoo kale warkaan ayaa waxaa lagu sheegay in u jeedada ay tahay, sidii loo xakameyn lahaa faafitaanka cudurka COVID-19.

Puntland aya dhinaca kale sheegtay inay bilowday qorshe lagu diyaarinayo haamaha keydiya Oxygen-ta, si loo helo Oxygen ku filan deegaanada maamulkaasi oo dhan.

Todobaadyadii u dambeeyey Puntland ayaa waday dadaallo ay uga hortageyso cudurka faafa ee Coronavirus, iyadoo soo saaray go’aanno looga hortagayo xanaankaasi.

Soomaaliya ayaa illaa iyo hadda waxaa la xaqiijiyey illaa 60 kiis oo cudurka ka mid ah, kuwaas oo intooda badan haatan lagu karantiilayo gudaha magaalada Muqdisho