Kiis cusub oo Coronavirus ah oo laga helay Muqdisho

[Deeq A.]

Muqdisho (SMN) – Wasaaradda Caafimaadka dowladda federaalka Soomaaliya ayaa ku dhawaaqdey in kiis cusub oo Coronavirus ah laga helay Muqdisho.

War-saxaafadeed kasoo baxay wasaaradda ayaa lagu shaaciyey fahfaahinta bukaanka oo da’diisa lagu sheegay 58-sano jir.

“Waxaa soo kordhay xaaladii 8aad oo xanuunka COVID-19 lagu xaqiijiyey. Waa muwaadin Soomaaliyeed oo lab ah, da’diisuna tahay 58 sano, wuxuuna deegaan ku yahay Muqdisho oo safar kuma imaan. Tirada guud ee la xaqiijiyey: 8 Tirada bogsashada : 1 Tirada dhimashada : 0,” ayaa lagu yiri.

Sikastaba ha ahaatee, hadalka wasaaradda ayaa kusoo aadaya xili maanta ay ku dhawaaqdey in ay hirgelisay qalab lagu ogaado fayruska dilaaga ah.

View the full article