Deni oo is bedel ku sameeyey qaar kamid ah Taliyeyaasha Booliska gobolada

[Deeq A.]

Madaxweynaha Puntland Siciid Cabdullaahi Deni ayaa is bedel ku sameeyey qaar kamid ah Taliyeyaasha qeybaha Booliska ee gobolada Puntland.

G/sare Muumin Cabdi Shire oo ahaa Taliyihii qeybta Booliska gobolka Nugaal ayaa loo bedelay gobolka Mudug, halka G/sare Cabdiqaadir Jamac Dirir oo ahaa Taliyaha qeybta Booliska Karkaar loo bedelay Taliya qeybta Nugaal.

Sidoo kale Taliyaha qeybta Booliska gobolka Karkaar ayaa loo magacaabay G/sare Cabdi Casayr Yuusuf.

Waxaa xilkii laga qaaday Taliyihii qeybta Booliska Mudug G/sare Jaamac Maxamed Axmed (Sandaqad).

Hoos ka akhriso digreetada

Garoowe: 04 April 2020: Madaxweynaha Dowladda Puntland Mudane Siciid a Abdullaahi Deni ayaa soo saaray , Xeer Madaxweyne Lr. 25 iyo Lr.26 April 4, 2020, kuna saabsan isku bedel Taliyeyaasha Qaybaha Booliska Gobolada Nugaal, Karkaar iyo Mudug.

Madaxweynaha Dowladda Puntland

Markuu arkay: Dastuurka Dowladda Puntland Qodobkiisa 80-aad.

Markuu arkay: Baahida loo qabo Dar-dar gelinta Amniga Qayabaha Booliska ee Gobolada Puntland.

Markuu arkay: Aqoontooda, kartidooda iyo waayo-aragnimadooda Ciidanimo.

Wuxuu xeeriyey:

1. Waxaa G/sare Muumin Cabdi Shire loo bedelay Taliyaha Qaybta Booliska Gobolka Mudug.
2. Waxaa G/sare Cabdiqaadir Jamac Dirir loo bedelay Taliyaha Qaybta Booliska Gobolka Nugaal.
3. Waxaa G/sare Cabdi Casayr Yusuf loo magacaabay Taliyaha Qaybta Booliska Gobolka Karkaar.

Xeerkani wuxuu dhaqan gelayaa markuu Madaxweynuhu saxiixo, wuuna saxiixay.

=DHAMMAAD=

PUNTLAND POST

The post Deni oo is bedel ku sameeyey qaar kamid ah Taliyeyaasha Booliska gobolada appeared first on Puntland Post.