Qarax khasaare geystay oo ka dhacay Muqdisho

[Deeq A.]

Maanta galinkii dambe waxaa magaalada Muqdisho ka dhacay qarax ismiidaamin ah oo geystay dhimasho iyo dhaawac.

Sida la sheegay qof isku soo xiray waxyaabaha qarxa ayaa isku qarxiyay meel u dhow baar Bulsho, nawaaxiga taalada Sayidka ee degmada Howlwadaag.

Qaraxa ayaa waxyeelo ka soo gaartay dad rayid ah, waxaana dhaawac soo gaaray markii dambe u geeriyooday 4 qof oo 3 kamid ah yihiin isku qoys.

Qaraxa ayaa inta badan jugtiisa laga maqlayey magaalada Muqdisho, waxaa masuuliyadiisa sheegatay kooxda Al-shabaab.

Qaraxan ayaa ku soo aaday, iyadoo xaaladda amniga magaalada Muqdisho wanaagsaneyd muddooyinkii dambe.

PUNTLAND POST

The post Qarax khasaare geystay oo ka dhacay Muqdisho appeared first on Puntland Post.