Dowladda Soomaaliya oo ku dhawaaqday in la xiro dhammaan Goobaha Waxbarashada dalka

[Deeq A.]

Ra’iisul Wasaaaraha Xukuumadda Federaalka Soomaaliya Xasan Cali Khayre, ayaa shaaciyay in dowladda Soomaaliya ay 5 Milyan oo Doollarka mareykanka ah u qoondeysay la tacaalidda caabuqa COVID- 19, dhammaan dalka oo dhan.

Sidoo kale Ra’iisul Wasaaraha aya ku dhawaaqay in la xirayo dhammaan goobaha waxbarashada sida dugsiyada iyo jaamacadaha, laga billaabo Maanta, iyada oo ay xirnaan doonaan muddo 15 maalin ah, si looga hortago faafidda caabuqa CONVID-19. Ra’iisul Wasaaraha ayaa muwaadiniinta faray in la joojiyo kulamada waaweyn, iyo isku soo baxyada fagaarayaasha.

Dowladda Soomaaliya ayaa sheegtay in ay  ku howlantahay dhamaystirka xarumo lagu karantiilo, laguna hubiyo dadka looga shakiyo cudurka, halka Isbitaalka Martiini loo asteeyay in lagu daweeyay bukaannada uu cudurku haleelo.

Ra’iisul Wasaaraha ayaa dhammaan qeybaha kala duwan ee bulshada ugu baaqay in loo midoobo, ka hortagga caabuqan, isla markaana la raaco timaamaha hay’adaha dowladda ee ku howlan howshan.

PUNTLAND POST

The post Dowladda Soomaaliya oo ku dhawaaqday in la xiro dhammaan Goobaha Waxbarashada dalka appeared first on Puntland Post.