Gudoomiyaha Gudida Qandaraasyada S/land oo Qandaraas Macaash buurani ku jiro quudaraynaya inuu Gacanta ka saaro inaadeerkii

[Deeq A.]

Gudoomiyaha Gudida Qandaraasyada S/land oo Qandaraas Macaash buurani ku jiro quudaraynaya inuu Gacanta ka saaro inaadeerkii

Sida ilo wareedyo xogogaal ah oo ku dhawdhaw Gudida Qandaraasyada Somaliland u soo dusiyeen warfidiyeenka Qarannews,Gudoomiyaha Gudida Qandaraasyada Somaliland Nuux Maxamed Xuseen laftiisa ayaa Gucle iyo orod uga jira sidii uu qandaraaska Timirta Ciidamada Somaliland la siiyo Bisha Ramadaan Farta uga saari lahaa Sarkaal ka tirsan Ciidanka Asluubta oo ay isku beel ka soo jeedaan,Kaas oo ku gaashaaman ama wata liisanka magaca shirkad soo waarida Bir-libaaxda iyo Isbeer-baadhka baabuurta duuga ah oo la yidhaahdo Aflax Used Spare Parts oo aan looga baran keenida Cuntooyinka Daruuriga ah,balse muraadkan oo keliya looga dan leeyahay.

Sarkaalka lala doonayo Qandaraaska Timirta oo Magaciisa lagu sheegay Cabdillaahi ayaa Xogguhu sheegayaan inuu tirsan yahay Ciidanka Asluubta

Isku soo wada duuboo tibaaxo meelo kala duwan ka soo duulduulaya ayaa tibaaxaya inay Gudoomiyaha Gudida Qandaraasyada ka go’an tahay inaanu Beerdarayn jaaniskan oo macaash buurani ku jiro ee uu dhaanka iyo Inaadeerkii Cabdillaahi ula gurguurto.

Qaran News