Kalfadhiga Labaad ee Baarlamanka Jubaland oo maanta furmaya

[Deeq A.]

Magaalada Kismaayo ee Xarunta kMG ah ee dowlad goboleedka Jubbaland waxa maanta ka furmaya kalfadhiga labaad ee Baarlamaanka Jubaland, waxaana khudbadda furitaanka ka jeedinaya madaxweyne Axmed Maxamed Islaam.

Xildhibaanada ayaa lagu wargeliyay in ay xaadiraan fadhiga maanta ee furitaanka ah, waxaana xaqiijiyay kooramka Guddiga joogtada ah ee Baarlamaanka oo maalin kahor kulan gaar ah ku yeeshay Kismaayo.

Gudaha Magaalada Kismaayo waxaa saakay lagu arkayaa ciidamo la dhigay Xarunta Baarlamaanka dowlad goboleedka Jubbaland kuwaas oo qayb ka qaadanaya sugidda ammaanka Madaxweynaha iyo xubnaha kale ee wehliya.

Madaxweynaha ayaa khudbadda furitaanka Kalfadhiga 2-aad ee Baarlamaanka kaga hadli doona  Xaaladda siyaasadeed ee dowlad goboleedka Jubbaland, xiisadda ka taagan Gobolka Gedo iyo arrimo kale.

Baarlamaanka Jubbaland ayaa fasax dhawaan galay, kadib markii kalfadhigii 1-aad ay ku doorteen Axmed Maxamed Islaam oo Natiijada Doorashadaas iyo dhismahoodaba waxba kama jiraan ku tilmaamtay Dowladda Federaalka Soomaaliya.

PUNTLAND POST

The post Kalfadhiga Labaad ee Baarlamanka Jubaland oo maanta furmaya appeared first on Puntland Post.