Wasiir Warfaa oo qaabbilay madaxa iskaashiga horumarinta Safaaradda Jarmalka ee Soomaaliya

[Deeq A.]

Wasiirka Shaqada iyo arrimaha Bulshada Xukuumadda Federaalka Soomaaliya  Sadiiq Xersi Warfaa, ayaa qaabbilay madaxa iskaashiga horumarinta Safaaradda Jarmalka ee Soomaaliya, Marius Rauh.

Labada mas’uul ayaa ka wada hadlay sidii kor loogu qaadi lahaa xiriirka Taariikhda dheer ee ay Soomaaliya iyo Jarmalka ka leeyihiin dhinacyada iskaashiga farsamada, waxbarashada, xirfadaha iyo tababarrada.

Wasiirka ayaa intaa ku daray in ka wasaarad ahaan ay dedaal ku bixinyeen sidii waaxyaha xirfadaha iyo tababarrada (TVET)  ay u qaadan lahayd door la arki karo, isagoo dowladda Jarmalka uga mahadceliyay sida ay uga go’antahay taageerada ay siiso Soomaaliya.

Dowladda Jarmalka, waxay ka taageeraysa wasaaradda Shaqada iyo arrimaha Bulshada Soomaaliya , sidii lagu horumarin lahaa xirfadaha iyo tababarrada, iyadoo kooxdii u horreysay oo ka tirsan waaxda xirfadaha iyo tababbarada (TVET) dhowaan loo qaadi doono Dalka dibeddiisa , si kor loogu qaado khibraddooda.

PUNTLAND POST

The post Wasiir Warfaa oo qaabbilay madaxa iskaashiga horumarinta Safaaradda Jarmalka ee Soomaaliya appeared first on Puntland Post.