Wasiir Cawad: Guula waweyn ayaan ka gaarnay u adeegida Bulshada Soomaaliyeed ee ku baahsan Caalamka

[Deeq A.]

Wasiirka Arrimaha Dibadda iyo iskaashiga Caalamiga ah ee Xukuumadda Federaalka Soomaaliya Ahmed Ciise Cawad, ayaa kulan la yeeshay Wasiiru- dawlaha arrimaha Dibadda ee dalka Suudaan Omar Qamarudin ,waxaana ku weheliyay  danjiraha safarada Soomaaliya ee dalka Suudaan Maxamed Sheikh Isxaaq iyo xubno ka mid ah diplomaciyinta Safarada.

Qoraal ka soo baxay Xafiiska Wasiir Cawad, ayaa lagu sheegay Kulankaas looga wada hadlay sidii  loo xoojin lahaa wada shaqeynta labada dhinac  iyo sidii kor loogu qaadi lahaa xirirka Soomaaliyaa iyo Suudaan ka dhexeeya.

Sidoo kale,  Wasiirka Arimaha Dibadda Soomaaliya Axmed Ciise Cawad, ayaa xariga Ka Jaray xarun-cusub oo ay ku shaqayn-doonto safarada Soomaaliya ay ku leedahay dalka Suudaan.Wasiirka ayaa booqday dhammanba Xaafiisyada kala duwan ee ay ku shaqeeyaan diplomaciyinta Soomaaliyeed, waxaana uu ku bogaadiyay shaqadda ay bulshadooda u hayaan.

Wasiirka Cawada ayaa sheegay, in Wasaarada Arrimaha Dibadda ay  guulo weyn ka gaartay, sidii ay bulshada Soomaaliyeed ee ku kala nool daafaha caalamka ay u heli lahaayen adeegyada ay uga baahan yihiin Safaradaha Soomaaliya ay ku leedahay caalamka, islamarkaana loogu adeego hanaan ku dhisan hufnaan iyo islaa xisaabtan, si muwaadin kasta u helo xuquuqdiisa.

PUNTLAND POST

The post Wasiir Cawad: Guula waweyn ayaan ka gaarnay u adeegida Bulshada Soomaaliyeed ee ku baahsan Caalamka appeared first on Puntland Post.