Rajo laga muujiyey xalinta tabashada guusha Qoor-qoor

[Deeq A.]

Dhuusamareeb (SMN) – Baarlamaanka Galmudug ayaa kalsooni weyn ka muujiyey in la xaliyo tabashadda ka dhalatay doorashadii madaxweyne Qoor-qoor.

Xasan Keynaan Xalane, xildhibaan ka tirsan Golaha Wakiilada Galmudug, ayaa sheegay in kulamada lagu raadinayo xalka ay ka socdaan Dhuusamareeb.

Dhinacyadda ay ku qancin natiijadda uu guusha ku helay Qoor-qoor ayuu rajeeyay in ay u tanaasuli doonan danta iyo horumarka Galmudug.

Mudaneyaasha ayuu hoosta ka xariiqay in ay dhankooda ka wadaan baadigoobka xalka isla markaana uusan kali ku ahayn Qoor-qoor.

Labadii bishaan Febraayo ayay ahayd markii Qoor-qoor loo doortay madaxweynaha Galmudug, wallow natiijadaas ay qaadaceen qaar kamida siyaasiyiinta.

View the full article