Sign in to follow this  
Deeq A.

Soomaaliya oo ka qeybgashay shirweyne caalami ah

Recommended Posts

Deeq A.   

Muqdisho (SMN) – Wasiirka shaqada iyo arrimaha Bulshada Soomaaliya Xildhibaan Sadiiq Xirsi Warfaa, ayaa Magaalada Kampala ee Dalka Yugaandha kaga qeyb galay shir looga hadlayay xuquuqda shaqaalaha iyo daryeelka Bulshada.

Shirkan oo ahaa kulankii 46-aad ayaa waxaa goobjoog ahaa madaxda 19 Waddan oo Afrikaan ah, iyadoo diiradda lagu saaray xuquuqda Shaqaalaha iyo tababariddooda, shaqa abuurka iyo la dagaalanka gaajada.

Wasiirka Shaqada iyo arrimaha Bulshada , Sadiiq Xirsi Warfaa ayaa warbaahinta Qaranka u sheegay in shirkan ay muddo ka maqnaayeen hassayeeshee hadda kadib xubinimadii Soomaaliya ay joogto noqon doonto.

Wasiir Sadiiq ayaa sheegay in tababar iyo kobcin dhanka aqoonta ah loo ballan qaaday Soomaaliya oo ay heli doonaan shaqaalaha Dowladda Soomaaliya.

Shirka ayaa soconayay muddo Saddex Cisho ah, iyadoo laga soo saaray war murtiyeed lagu sheegay in layska kaashado dhammaan waxii shirka looga hadlay.

20200213160158_IMG_9116-1.jpg 20200213160554_IMG_9125.jpg 20200213162744_IMG_9161.jpg

View the full article

Share this post


Link to post
Share on other sites
Sign in to follow this