Aqoonyahan Soo dhaweeyay Heshiis Nabadeed oo ka dhacay Boosaaso

[Deeq A.]

Liibaan Saalax Maxamuud (Liibaan Gegiroor) oo kamid ah Aqoonyahannada Puntland ayaa si mugleh u soo dhaweeyay Heshiis ay dhowan magaalada Boosaaso ku gaareen laba beelood oo walaalo ah.

“ Beelahaasi waa beelo walaalo ah dhibtooduna ay mudda badan soo noq-noqotay si guud Mandaqaddaasi gobollada Karkaar iyo Bari ee Puntland. Dhacdada hadda ay ka heshiiyeen labadan jifiyood waxay ahayd dhacdo aad u fool xun” ayuu yiri Liibaan Gegiroor.

Mudane Gegiroor ayaa sidoo kale u mahad celiyay laba xildhibaan oo kamid ah Baarlamanka Puntland kuwaasi oo sida uu sheegay dadaal badan ku bixiyay in labadaasi beelood ay Heshiis ka gaaraan colaaddii u dhexaysay.

Ugu dambeyntii Aqoonyahanka ayaa labada beelood ku boorriyay in la sii dhammaystiro hawlaha ka dhiman Heshiiska islamarkaana si rasmiya loo dhaqan-geliyo qodobada ay ku heshiiyeen labada dhinac.

Hoos ka daawo muuqaalka oo dhan

PUNTLAND POST

The post Aqoonyahan Soo dhaweeyay Heshiis Nabadeed oo ka dhacay Boosaaso appeared first on Puntland Post.