Safiirka Imaaradka Carabta Ee Soomaaliya Iyo Wakiilka Qaramada Midoobay Oo Muqdisho Ku Kulmay

[Deeq A.]

(SLT-Muqdisho)-Safiirka Dowladda Imaaraadka Carabta u Fadhiya Soomaaliya Maxamed Axmed Cusmaan oo maalmihii ugu dambeeyay ku sugnaa magaalada Muqdisho ayaa maanta Xarunta Safaaradda Imaaraadku ay ku leedahay Muqdisho kulan kula qaatay Wakiilka Xoghayaha guud ee QM u qaabilsan arrimaha Soomaaliya Jemis Swan.

Kulankaan lagama bixin faahfaahin dheeraad ah haseyeeshee Qoraal oo lagu daabacay barta rasmiga ah ee Twitterka Safaaradda Imaaraadka Carabta ayaa lagu baahiyay sawirro muujinayay kulanka.

Safiirka Imaaraadka Carabta u fadhiya Soomaaliya Maxamed Axmed Cusmaan ayaa dhowaan dib ugu soo laabtay Muqdisho, kaddib muddo ku dhawaad sanad ah oo uu ka maqnaa magaalada Muqdisho, markii u horeysay ee uu soo muuqdo sanadkaas kadibna waxa ay ahyed furitaankii Machadka Tababarada Diblomaasiyadda kaas oo ay maalgelisay dwladda Qatar.

Saameynta Imaaraadka Carabta ee Soomaaliya ayaa aad hoos ugu dhac tan iyo markii dowladda Soomaaliya ay xayiraadda saartay diyaarad ay laheyd dowladda Imaaraadkataas oo sidday ku dhawaad 10 milyan oo dollar, markii dambana ay la wareegtay dowladda Soomaaliya, iyada oo Imaaraadku ku eedeyeen Soomaaliya in ay meel uga dheceen arrimha diblumaasiyadda caalamka.

Source