Dawladda Turkiga Oo Ka Hadashay Muwaadiniin U Dhashay Dalkeeda Oo Ku dhintay Qaraxii Saaka Ka Dhacay Muqdisho

[Deeq A.]

Dowladda Turkiga ayaa ka hadashay Qaraxii saaka ka dhacay Isgoyska Ex-Koontarool Afgooye ee Magaalaa Muqdisho, kaasi oo geystay Khasaaro aad u badan oo iskugu jira dhimasho iyo dhaawac.

Dadka ku dhintay qaraxaas musiibada ahaa ayaa u badan dad shacab ah iyo Arday u socotay goobo waxbarsho, waxaana ku jiray Arday dhiganeysay Jaamacadda Banaadir.

Safiirka dowladda Turkiga ee u fadhiga Soomaaliya Mehmet Yilmaz ayaa sheegay in qaraxii saaka ay kaga dhinteen laba qof oo u dhashay dalka Turkiga, kuwaasi oo Isgoyska Ex-koontarool marayay xiliga uu qaraxu dhacayay.

Source