Sign in to follow this  
Deeq A.

Dowladda Uganda oo taliye cusub u soo magacowday ciidanka ka jooga Soomaaliya

Recommended Posts

Deeq A.   

Muqdisho (Caasimada Online) – Dowladda Uganda ayaa Gen. Richard Otto u soo magacowday inuu noqdo taliyaha cusub ciidamada ka jooga gudaha dalka Soomaaliya, kuwaas oo qeyb ka ah howlgalka nabad ilaalinta ururka Midowga Africa ee AMISOM.

Taliyaha cusub oo xilka la wareegay, kadib munaasabad ka dhacday xarunta Xalane ayaa bedalay, Michael Kabango oo sanadihii la soo dhaafay hayey xilkaasi.

Gen. Richard Otto oo leh khibarado kala duwan ayaa 2013-kiia soo noqday madaxa howlgallada ee xarunta dhexe ee ciidamada Midowga Africa ee AMISOM.

Sidoo kale wuxuu wax ku soo bartay dalka Ruushka, isaga oo ku qaatay tababar aad u sarreeya oo dhinaca milatariga iyo ciidamada.

Gen. Otto oo ka hadlay xafladda uu xilka kula wareegay ayaa sheegay in halkeeda uu ka sii wadi doono shaqada, islamarkaana uu xoojin doono dagaalka Al-Shabaab.

Uganda ayaa ah dalka ugu badan oo ciidamo ay ka joogaan Soomaaliya, kuwaas oo tiradoodu tahay illaa 6,000 oo askari oo qeyb ka ah howlgalka nabad ilaalinta ee AMISOM.

Share this post


Link to post
Share on other sites
Sign in to follow this