Askari U Dhashay Sacuudiga Oo Weerar Dhimasho Sababay Ka Gaystay Xero Ciidan Oo Ku Taalla Dalka Mareykanka

[Deeq A.]

(SLT- Florida)-Dowladda Mareykanka ayaa xaqiijisay in muwaadin u dhashay Sacuudiga oo booqasho la xidhiidha tababar uu ka dambeeyay weerar lagu qaaday xerada ciidanka Badda ee ku taalla gobolka Florida jimcihii Shalay.

Weeraryahanka ayaa toogasho ku dilay afar askari oo Mareykan ah kuwaasi oo ku sugnaa xerada Pensacola.

Waa markii labaad oo toddobaad gudihiis dalka Mareykanka ay ka dhaceyso weerar dhaliyay khasaare Nafeed.

Badhasaabka Florida Ron DeSantis ayaa xaqiijiyay in weerarka uu ka danbeeyay askari Sacuudiyaan ah oo ka qeyb qaadanayay tababarkaan.

Askariga ka danbeeyay weerarkan ayaa rasaas ooda kaga qaaday fasal ay ciidanka ku sugnaayeen waxaana uu toogtay sadex askari ka hor inta ay ciidanka Amniga toogan Isaga.

Washington iyo Riyaad ayaa waxaa ka dhaxeeya xidhiidh taariikhi ah, iyadoo ilaa iyo hadda aan la ogeyn sababta rasmiga ah ee ka dambeysa Weerarkaan.

Source