Ciidamada PSF Puntland oo beeniyey in ay ka soo baxeen fariisimahoodii

[Deeq A.]

Ciidamada gaarka ah ee PSF Puntland ayaa beeniyey in ay ka soo baxeen fariisimahoodii buuraleyda Galgala.

Bayaan kooban oo ka soo baxay PSF ayaa lagu sheegay in ciidamadu ku sugan yihiin fariisimahoodii iyo saldhigyadoodii difaaca ee Galgala, Sugure, Boosasaso, Garowe iyo Gaalkacyo.

“Ciidamada PSF waxay ku sugan yihiin talisyadooda iyo saldhigyadooda difaaca ee Galgala, Sugure, Boosaaso, Garowe iyo Gaalkacyo, si ay cadowga uga ilaaliyaan dadkooda iyo dalkooda” ayaa lagu yiri bayaanka PSF.

Hadalka ka soo baxay ciidamada PSF Puntland ayaa ku soo aadaya, iyadoo maalmihii la soo dhaafay baraha bulshada lagu faafiyey warar sheegaya in ciidamo ka tirsan PSF ay ka soo baxeen saldhigyadooda buuraleyda Galgala.

Ciidamada PSF ayaa qeyb libaax ku leh hawlgalada Puntland kula dagaalanto kooxaha ka tirsan Al-shabaab iyo Daacish ee ku dhuumaaleysta buuraleyda Puntland.

PINTLAND POST

The post Ciidamada PSF Puntland oo beeniyey in ay ka soo baxeen fariisimahoodii appeared first on Puntland Post.