Kusimaha Madaxweynaha Puntland oo qaabilay Maalgashadayaal u dhashay dalka Shiinaha

[Deeq A.]

Madaxweyne ku-xigeenka Dowladda Puntland ahna kusimaha Madaxweynaha Mudane, Axmed Cilmi Cismaan Karaash ayaa maanta xafiiskiisa ku qaabilay Maalgashadayaal u dhashay dalka Shiinaha, kuwaasi oo Puntland u yimi inay maalgashi ka sameystaan.

Maalgashadayaasha u dhashay Shiinaha ayaa ka socda shirkadda U-TON HONG KONG, waxayna Puntland u yimaadeen si ay u maalgashtaan Xoolaha Nool, kalluunka iyo sidoo kale Koronto laga dhaliyo ilayska qoraxda.

Madaxweyne ku-xigeenka Dowladda Puntland ahna ku simaha Madaxweynaha Mudane Axmed Cilmi Cismaan Karaash ayaa bogaadiyey soona dhoweeyay in ganacsatadan Shiinaha ka yimi ay maalgashi ku sameystaan Puntland, Madaxweynaha ayaa sheegay in Puntland soo dhoweynayso dadka dalka maalgashanaya, taasina qeyb ka tahay siyaasadda maalgashiga ee Dowladda Puntland.

Kulanka waxaa goobjoog ahaa Wasiiru Dowlaha Wasaaradda Cadaaladda, Arrimaha Diinta iyo Dastuurka Mudane, Maxamed Rooble Cabdi (Ilyaas) iyo Ganacsadaha Shirkadda Green Land Cadbulqaadir Nuur Xasan Isbatoore oo kala shaqeynaya Shirkadda U-TON HONG KONG arrimaha maalgashiga Puntland.

Hoos ka daawo sawirada iyo muuqaalka

• 
• 
• 
• 
• 
• 
• 
• 
• 

PUNTLAND POST

The post Kusimaha Madaxweynaha Puntland oo qaabilay Maalgashadayaal u dhashay dalka Shiinaha appeared first on Puntland Post.