Maxaa ka soo baxay kulankii madaxweyne Farmaajo la qaatay Sheikh Shariif iyo Xassan Shekh Maxamuud?

[Deeq A.]

Madaxweynaha dowladda Federaalka Soomaaliya Maxamed Cabdullaahi Farmaajo, ayaa maanta xarunta madaxtooyada Villa Somalia kulan kula qaatay, madaxweynayaashii isaga ka horreeyay ee Sheikh Shariif Sheikh Axmed iyo Xassan Sheikh Maxamuud.

Kulanka oo qaatay mudda saacado ah, ayaa looga hadlay qodoba xasaasiya oo ku saabsan xaaladda Siyaasadeed ee dalka ka aloosan,  xad-gudubyo ay sheegeen Sheikh Shariif iyo Xassan Sheikh in ay ka tabanayaan dowladda iyo arrimaha doorashooyinka la filayo in ay Soomaaliya ka dhacaan sannadka 2021-ka.

Markii kulankaasi soo dhamaaday waxaa Madaxweynayaashi hore ay ka soo laabteen Xarunta Madaxtooyada, waxaana ay dib ugu noqdeen xarunta Madasha Xisbiyada, halkaasoo kulan ay kula qaateen  xubnaha Madasha, islamarkaana uga  warbixiyeen wixii dhex maray iyaga iyo Madaxweyne Farmaajo.

Madaxweynihii hore ee Soomaaliya Xasan Sheikh Maxamuud oo shirka jara’aid uga warbixiyay Warbaahinta kulankii ay la yeesheen madaxweyne Farmaajo ,ayaa sheegay in qoddobo badan ay ka wadahadleen Madaxweyne Farmaajo, balse muhiimadooda ay ahaayeen arrimaha doorashooyinka, khilaafka dowlada iyo maamul goboleedyada, ku dhaqanka Dastuurka, Sugidda amniga iyo la dagaalanka ururka Al-shabaab.

Hoos ka daawo Xassan Sheikh oo faahfaahinaya

PUNTLAND POST

The post Maxaa ka soo baxay kulankii madaxweyne Farmaajo la qaatay Sheikh Shariif iyo Xassan Shekh Maxamuud? appeared first on Puntland Post.