Baarlamanka Puntland oo ansixiyay guddiga doorashooyinka Puntland

[Deeq A.]

Mudanayaasha Baarlamanka dowladda Puntland, ayaa maanta oo Sabtiya cod aqlabiyad leh ku ansixiyay, guddiga doorashooyinka ku meel gaarka Puntland ee (TPEC).

Kulanka maanta oo uu shir-guddoominayey, guddoomiyaha cusub ee Baarlamanka Cabdirashiid Yuusuf Jibriil,  ayaa waxa soo xaadiray 50 mudane oo dhammaantood cod gacan-taag ah ku ansixiyay guddiga doorashooyinka ku meel gaarka ah ee Puntland.

Guddiga ayaa ka hor inta aan codka kalsoonida loo qaadin, waxa ay warbixin ka hor-jeediyeen xildhibaannada golaha wakiilada, warbixintaasi oo ay ku soo bandhigeen arrimaha u qabsoomay mudadii koobneyd ee ay xilka hayeen.

Guddiga doorashooyinka Puntland ,ayaa waxa horyaalla shaqooyin muhiima oo ay kamid yihiin;  diiwaan-gelinta urur-siyaasadeedyada, diiwaan-gelinta cod-bixiyaasha, xuduudaynta degmooyinka Puntland iyo  qabashada doorashooyinka golayaasha degaanka.

• 
• 
• 
• 
• 
• 
• 
• 
• 

PUNTLAND POST

The post Baarlamanka Puntland oo ansixiyay guddiga doorashooyinka Puntland appeared first on Puntland Post.