Dedaallo Loogu Gurmanayo Shacabka B/weyne Oo Laga Bilaabay Somaliland

[Deeq A.]

Qaar ka mid ah magaalooyinka Somaliland ayaa lagu soo waramayaa in xilligan ay ka bilowdeen dedaallo loogu gurmanayo shacabka B/weyne, oo dhibaato xooggan kasoo gaartay fatahaaddii uu magaaladaasi ku sameeyey Wabiga Shabelle.

Dhallinyaro, culimo iyo waxgarad ayaa magaalooyinka Hargeysa, Ceerigaabo iyo Burco ka bilaabay qorshaha loogu gurmanayo shacabka B/weyne, iyaga oo taga goobaha dadku ku badan yahay, xaafadaha, Masaajidda iyo xarumaha waxbarashada.

Waxa ay wataan codbaahiyeyaal ay dadka kaga dalbanayaa iney u gurmadaan walaalahooda B/weyne si wax loogu muujiyo garab istaag walaalnimo.

Inta badan gobollada dalka ayaa waxaa si xowli ah uga socda gurmadka loo sameynayo shacabka B/weyne oo u baahan gurmad degdeg ah.

Goobjoog News

Source: goobjoog.com