Al-Shabaab oo xukun ku fulisay nin Kufsi geystay

[Deeq A.]

Maxkamad hoostagta Al-Shabaab ayaa maanta xukun jeedal ah ku fulisay nin ay sheegtay inuu kufsi ka geystay deegaanka Kuunyo Barow ee gobolka Sh/Hoose.

Al-Shabaab ayaa magaca ninkaasi ku sheegtay Xuseen Xeefow Xasan, waxaa la sheegay inuu kufsi kula kacay gabar ka mid ah dadka deegaanka.

Ninkan oo aan hore guur u soo marin ayey maxkamaddu ku xukuntay boqol garbaash iyo hal sano oo musaafurin ah.

Fagaaraha uu ka dhacay xukunka waxaa ku sugnaa xubno sar sare oo ka tirsan Al-Shabaab iyo dadweyne la’isugu yeeray halkaasi.

Inta badan Al-Shabaab ayaa xukuno kala duwan ka fulisa deegaanada ay maamusho ee koonfurta iyo bartamaha Soomaaliya.

View the full article