Taliska Booliska oo ka hadlay shaqaaqadii Dhuusamareeb

[Deeq A.]

Dhuusamareeb (SMN) – Taliska Booliska magaaladda Dhuusamareeb ee xarunta Galmudug ayaa ka hadlay shaqaaqadii ka dhacday halkaas.

Cabdullaahi Xasan Macalin, taliyaha bileyska xarunta gobolka Galgaduud, ayaa sheegay in la dhameeyay xiisadii ka dhalatay dhacdadaas.

Xiisadda ayaa ka dhalatay markii ay ciidamo ka tirsan dowladda rasaas ku fureen guri uu ku sugnaa Madaxa Xukuumadda Galmudug.

Mr Xasan ayaa beeniyay in ciidamo ka amar-qaata Ahlu Sunna ay la wareegeen xarunta dowladda hoose ee magaaladda Dhuusamareeb.

Ugu dambeyntii, taliyaha ayaa sheegay in xaaladda magaaladda ay tahay mid degan, isla markaana aysan wax kacsanaan ah oo hadda jirta.

Hoos ka dhageyso warka oo cod ah

https://www.radioshabelle.com/wp-content/uploads/2019/10/Bartamaha-Soomaaliya.mp3

View the full article