Qodobo xasaasi ah oo laga soo saartay colaada Somalida iyo Cafarta dalka ITOOBIYA

[Deeq A.]

Addis Ababa (Caasimada Online) – Madaxaweynayaasha ismaamullada Soomaalida iyo Cafarta ee dalka Itoobya ayaa shaaciyey in heshiis rasmi ah laga gaaray colaada u dhexeysa labada shacab.

Labada Madaxweyne oo si wadajir ula hadlay warbaahinta, kadib kulan ay la qaateen Ra’iisul wasaare Abiy Axmed ayaa waxa ay ku sheegeen in lagu heshiyeey in todobo qodob oo looga hortagayo xiisada labada dhinac.

Halkan hoose ka aqriso qodobada:

1- In mar kasta rabitaanka Shacabka la tix galinayo.

2)-In dadka hubaysan laga kala fogeeyo aaggaas.

3- In ay khalad wayn oo qaranimada Itoobiya meel uga dhacay ay ku kaceen ismaamulka Canfarta markay warar ku tiri ku teen ah ay ku baahiyeen saxaafada dalka.

4-In Degaamaynta cusub ee is-maamulada qaar ay wadaan ay joojiyaan

5-In saxaafada lagu daba galo faafinta wararka beenta ah isla markaana talaabadooda ku haboon laga qaado.

6-In Ciidamada militeriga ay ilaaliyaan amniga iyo nabad qabka shacabka iyo xoolahooda.

7-In Canfartu ay soo celiso xoolaha ay ka dhacday shacabka dowlad deegaanka Soomaalida.

Colaada u dhexeysa Soomaalida iyo Cafarta ayaa muddooyinkii dambe sii xoogeysatay, kadib weeraro lagu dad badan oo ay fuliyeen kooxo ka kala tirsan dhinacyadaasi.

Caasimada Online
Xafiiska Addis Ababa
caasimada@live.com