Doon U Rarneyd Ganacsato Soomaali Ah Oo Degtay

[Deeq A.]

(SLT-Boosaaso)-Doon usoo socotay magaalada Boosaaso oo rar kasoo qadaday deked ku taalla dalka Cummaan ayaa la sheegay inay ku degtay xeebaha badweynta Hindiya.

Doontan oo laga lahaa dalka Hindiya ayaa lagu magacaabay Cabdikariin, waxaana maqribnimadii shalay ay ku degtay meel u dhow dekedda Salala ee dalka Cuman.
Shaqaalihii doonta saarna oo tiradooda lagu sheegay 10 ayaa la badbaadiyey, hase yeeshee waxaa lagu waayey hanti badan.

Shixnada ay Doondan siday oo iskugu jiray Raashin iyo Bakaash ayaa la sheegay in gabi ahaanba ay baaba’een hantididii saarneyd oo lagu waayay biyaha Badda.

Ma’aha markii ugu horreysay oo sidan oo kale ay u degto Dooni ganacsato Soomaali ah u sida Badeecooyin kale duwan kuwaas oo inta badan ku sii jeeda deegaannada Puntland.

Source