Farmaajo Iyo Abiye Axmed Oo Kulan Muhiim Ah Ku Yeeshay Caasimada Itoobiya

[Deeq A.]

(SLT-Addis Ababa)-Madaxweynaha Soomaaliya Maxamed Cabdulaahi Farmaajo ayaa kulan kula qaatay magaalada Caasimada ah ee Addis Ababa Ra’isul wasaaraha Itoobiya Abiye Axmed kadib safar uu maanta ku gaadhay.

Mr Farmaajo iyo Abiye ayaa ka wadahadlay arimo ay ka mid yihiin xoojinta xidhiidhka labada dal iskaashiga dhanka amniga iyo dhaqaalaha, waxaana kulanka qeyb ka ahaa wasiirka arrimaha dibadda Mahad Ciise Cawad, iyo Wasiir Kuxigeenka Maaliyadda Cabdullaahi Sheekh Cali.

Socdaalka Farmaajo ayaa yimid kadib casuumaad uu ka helay ra’isul wasaaraha Itoobiya Abiye Axmed.

Mas’uuliyiinta Soomaaliya iyo Itoobiya ayaa inkabadan sanad dadaal ugu jira sidii loo xoojin lahaa xiriirka labada dhinac tan iyo markii uu xilka la wareegay mr Abiye sanadkii Hore.

Source