Xidig oo kulul uga hadlay kiiska nabadoon u xiran Axmed Madoobe

[Deeq A.]

Kismaayo (Caasimada Online) – Cabdirashiid Maxamed Xidig oo sheegta in taageerayaashiisa ay u doorteen Madaxweynaha Jubbaland ayaa cambaareyey xarigga Nabadoon Nabadoon Cabdi Colow oo maalintii 2-aad u xiran maamulka Axmed Madoobe.

Xidig ayaa sheegay in Nabadoon Colow uu ka mid yahay xubnaha isbedalka doonka Jubbaland, islamarkaana uu si aad ah u dhaliili jiray Axmed Madoobe.

Sidoo kale wuxuu sheegay in xariggiisa sharci darro yahay, islamarkaanay qoraalkan ay gaarsiiyeen UN-ka, dowladda dederaalka iyo dhammaan heyadaha ay khuseyso.

“Nabadoon Abdi Olow oo kamid ah Nabadoonada ree Jubaland ee u ololeeya isbedelka sida xoogana u dhaliila maamulkii hore ee Jubaland :Qoraal ayaan gaar siinay xafiiska xuquuqul insaanka ee UN, Taliska booliska Jubaland, Dowlada Federaalka iyo Dhamaan heyadaha ay khuseyso ayuu yiri.” Xildhibaan Xidig.

Nabadoon Cabdi Colow oo heysta dhalashada dalka Canada aya habeen hore gurigiisa kala baxay ciidanka Jubbaland, kuwaas oo ku xiray xabsi ku dhow hoygiisa.

Tan iyo markii ay dhacday doorashadii muranka dhalisay ee dib loogu doortay Axmed Madoobe waxaa gudaha magaalada Kismaayo ka taagnaa xiisado u dhexeeya madaxda Jubbaland iyo garabka macaaradka oo si weyn u dhaliilsan maamulka hadda jira.

Caasimada Online
Xafiiska Kismaayo
caasimada@live.com