Diyaaradaha qaar oo laga mamnuuci doono garoonka Aadan Cadde iyo sababta

[Deeq A.]

Muqdisho (Caasimadda Online) – Wasiirka Wasaaradda Gaadiidka, Duulista iyo Hawada ee Xukuumadda Soomaaliya ayaa sheegay in Diyaaradaha aan buuxin sharuudaha looga baahan yahay aysan ka shaqo geli garin Garoonka Diyaaraha Adan Cadde ee Magaalada Muqdisho.

Wasiirka oo maanta booqasho ku tegay Garoonka Muqdisho ayaa la sheegay inuu kormeerkiisy ahaa si loo hubiyo adeegyada ay u baahan yihin diyaaradaha kasoo dega iyo kuwa ka duula Garoonka Aadan cadde iyo bedqabka isticmaalka hawada dalka, isagoo amarkan siiyay maamulka Garoonka.

Maareeye ku-xigeenka Amniga iyo Maamulka Garoonka  Duuliye  Ceyndaruus Axmed Kaahiye ayaa wasiirka uu sheegay in shaqada diyaaradaha ka soo dego oo kor u kacay, islamarkaan ay jiraan shirkado soo codsaday in ka Howlgalaan Gudaha Dalka.

Mudane Maxamed Cabdullahi Salaad Oomar Wasiirka Wasaaradda Gadiidka iyo Duulista Hawada ayaa Faray Shirkadah Diyaaraha iney ka shaqeeyaan in rakaabyada ay heleen adeegyo dhammeystiran waxa kale uu sheegay in ganacsatada aan sharuudaha looga baahan yahay buuxinin aysan ka Howlgalin karin Garoonka.

’’maalintii diyaarahada kasoo dego karoonka waxay ay gaareen in kabadan 50 islamarkaana shaqada Garoonka ay Sii balaaratay haatan waxaa jira codsiyo farabadan shirkado diyaarado oo rabo in ay ka howlgalaan gudaha dalka ’’’ Ayuu yiri Duuliye Ceyndaruus Axmed Kaahiye.

Mudane Maxamed Cabdullahi Salaad Oomar Wasiirka Wasaaradda Gadiidka  iyo Duulista Hawada ayaa Faray Shirkadah Diyaaraha iney ka shaqeeyaan in rakaabyada ay  heleen adeegyo dhammeystiran waxa kale uu sheegay in ganacsatada aan sharuudaha looga baahan yahay buuxinin aysan ka Howlgalin Karin Garoonka.

“Laga bilaabo maanta ay tariiqdu tahay 12- 07-2018 waxaa la farayaa in shirkadaha diyaaradaha ee ka Howlgala Garoonka Aadan Cadde ee Magaalada Muqisho looga baahan yahay sharuudaha in ay shaqeeyaan bedqabka rakaabka cidii dhammeystiri weysana aysan ka shaqeyn karin Garoonka Adan Cabdulle Cismaan Aadan Cadde ’’’ Ayuu yiri Wasiirka.

Amarka Wasiirka ayaan la ogeyn shirkadaha loola jeedo iyadoo ay socoto xiisad ka dhalatau arrinta xajka, isla markaana qorshe ay xukuumadda Soomaaliya u dhigtay xajkana sanadkan uu ku dhow yahay inuu fashilmo.

Caasimada Online
Xafiiska Muqdisho
Caasimada@live.com