Sign in to follow this  
Deeq A.

Aqalka Wakiilada Mareykanka oo u codeeyey xil-ka-qaadista Trump

Recommended Posts

Deeq A.   

Washington (Caasimada Online) – Aqalka Wakiilada Mareykanka ayaa maanta u codeeyey in xilka laga qaado madaxweyne Donald Trump, taasi oo Trump ka dhigeysa madaxweyne ugu horreeyey taariikhda Mareykanka ee laba goor lagu soo oogo dacwad xil-ka-qaadis.

Trump ayaa lagu eedeeyey inuu kiciyey kacdoon rabshadeysan oo ka dhan ah dowladda markii taageerayaashiisa ay Arbacadii, 6-dii Janaayo, si rabshado leh ay ku galeen Aqalka Congress-ka Mareykanka ee Capitol Hill.

Xil-ka-qaadista Trump ayaa waxaa u codeeyey dhammaan xubnaha dimqoraadiga iyo 10 ka mid ah xubnaha Jamhuuriga.

Si kastaba, Trump oo xilka ka degaya 20-ka Janaayo, ayey u egtahay inaan ka hor laga xayuubin doonin, sababtoo ah Aqalka Senate-ka oo ay tahay inuu ansixiyo xil-ka-qaadistan ayaa fasax ku jira wuxuuna soo laaban doonaa 19-ka Janaayo. 

Hoggaamiyaha Aqlabiyadda Senate-ka, Mitch McConnel oo ka tirsan xisbiga Jamhuuriga ayaa diiday baaq kaga yimid dimoqraadiga oo ahaa inuu kulan deg deg ah isugu yeero Senate-ka.

Halka kiis dacwadeed ee xil-ka-qaadista Trump loo cuskadada ayaa ah “hurinta kacdoon rabshadeysan oo ka dhan ah dowladda”, waxaana sal looga dhigay khudbad uu jeediyey kahor inta aanay taageerayaashiisa ku xoomin Capitol Hill-ka. 

Khudbaddaas ayaa Trump wuxuu mar kale ku celiyey beentiisa ah in doorashada la xaday, wuxuuna taageerayaashiisa ugu baaqay inay u u dareeraan Aqalka Congress-ka.

Rabshadihii ka dhacay Capitol Hill-ka ayaa waxaa ku dhintay shan qof oo ay ku jiraan laba sarkaal oo boolis ah.

Share this post


Link to post
Share on other sites
Sign in to follow this