Tillamook

Federal Republic of Somalia: Election update

Recommended Posts

Farmaajo oo ku khasbanaaday in uu ka laabto Muddo kororsigii

Madaxweynaha muddo xileedkiisu dhamaaday ee Maxamed Cabdulaahi Farmaajo oo hadal ka jeedinayay kulan gaar ah oo goordhawayd ka furmay xarunta Golaha shacabka ayaa sheegay in uu Ra’iisul Wasaaraha ku wareejiyay hogaaminta iyo diyaarinta arimaha doorashooyinka oo muran badan uu ka taaganyahay.

Farmaajo ayaa kulanka ka sheegay in qaban qaabada saxiixa heshiiskii doorashooyinka 17-ka September uu sidoo kale maamuli doono Ra’iisul Wasaaraha Xukuumadda Xilgaarsiinta Maxamed Xuseen Rooble isagoona faray Xukuumadda in ay u diyaargarowda howlahaas baaxadda leh.

Xildhibaanada Wakhtigoodu dhamaaday ayuu ka dalbaday in ay ansixiyaan heshiiskii arimaha doorashooyinka ee dib loogu soo celiyay.

“Waxaan rabaa in aan cadeeyo In Ra’iisul-wasaare Maxamed Xuseen Rooble uu hogaamin doono Diyaarinta, Hirgalinta doorashada, & Amnigeeda, si ay doorashadu ugu qabsoonto jawi nabad ah oo xasiloon, waxaan kale oo Ra’iisulwasaraha u xilsaaray qabanqaabada iyo martiqaadka Saxiixayaashii Heshiiskii 17 September 2020, si loo meelmairyo heshiiskas iyo talooyinkii Farsamo ee kasoo baxay Shirkii Baydhabo 16kii Febraayo 2021, Waxaan faraya Xukuumadda in ay u diyaar garowdo howshaas baxada weyn ee hortala” ayuu yiri Farmaajo.

Intaasi kadib xildhibaanada ayaa cod gacan taag ah ku meelmariyay in dib loogu laabto hanaankii doorashada ee horey ay madaxda Dowladda iyo Dowladaha Xubnaha ka ah ugu heshiiyeen Muqdisho.

140 xildhibaan ayaa u codeeyay in lagu laabto heshiiskii is-afgaradka ahaa ee doorashooyinka mana jirin cid diiday ama ka aamustay.

Horseed Media

HORSEEDMEDIA.NET

Madaxweynaha muddo xileedkiisu dhamaaday ee Maxamed Cabdulaahi Farmaajo oo hadal ka jeedinayay kulan...

 

Share this post


Link to post
Share on other sites

Rooble: “Waxaan rajeynayaa howsha doorashada inaan u maareeyo sida ugu wanaagsan.

Ra’iisul Wasaaraha Xukuumadda Xilgaarsiinta Dowladda Federaalka Soomaaliya Maxamed Xuseen Rooble oo shir jiraa’id caawa ku qabtay magaalada Muqdisho ayaa soo dhaweeyay talaabadii madaxweynaha muddo xileedkiisu dhamaaday uu ugu soo wareejiyay qorshaha hogaaminta arimaha doorashooyinka.

Rooble ayaa uga mahadceliyay xildhibaanada wakhtigu ka dhamaaday Golaha shacabka go’aankii ay ku aqbaleen soojeedinta Farmaajo ee ah in dib loogu laabto hanaanka doorashada ee lagu heshiiyay 17-kii September isagoo sheegay howsha loo xilsaaray uu u maareyn doono sida ugu waanagsan.

“Anigoo rajeynaya in aan ku guuleysto howshaas iyo masuuliyadeeda muhiimadda u ah masiirka dalka una maareyno sida ugu wanaagsan haduu Alle idmo, Baarlamaanka waxaan uga mahadcelinaa sida ay u tixgaliyeen duruufaha adag ee dalku marayo una ogolaadeen in dib loogu laabto hanaankii doorashada ee 17-ka September”.

“Waxaan rabaa in aan halkan uga cadeeyo shacabka Soomaaliyeed ,dowlad goboleedyada ,siyaasiyiinta iyo dhamaan daneeyaasha siyaasadda dalka in ay naga go’aanka tahay dalka inay ka dhacdo doorasho xor iyo xalaal ah oo daahfuran iyadoo aan cidna xaqeeda la duudsiinayn” ayuu hadalkiisa sii raaciyay Rooble.

Dhanka kalena Ra’iisul Wasaaraha Xilgaarsiinta Maxamed Xuseen Rooble ayaa ugu baaqay ciidamada ka gadooday go’aankii muddo kororsiga in ay ku laabtaan xeryahooda isagoona intaa ku daray hadalkiisa in uu magacaabayo guddi kasoo talabixiya saameynta Ciidanka ay ku yeesheen arimaha siyaasadda.

“Mar hadii xal laga gaaray arimihii xasaradaha abuuray waxaan ugu baaqayaa dhinacyada oo dhan in ay nabadda nagala shaqeeyaan ,Ciidamada waxaan farayaa in ay dib ugu laabtaan xeryahooda ,si loo xaliyo arimihii siyaasadda ee saameyntaa ay ku yeesheen Ciidanka waxaan magacaabayaa guddi farsamo oo arintaasi kasoo talabixiya”.

Ra’iisul Wasaaraha xilgaarsiinta Maxamed Xuseen Rooble ayaa gaba gabadii sheegay in sida ugu dhakhsiyaha badan uu u dhigi doono gogol lagu dhameystirayo heshiiska arimaha doorashada isla markaana ku casuumi doono madaxda dowladaha xubnaha ka ah dowladda Federaalka iyadoo la waafajinayo is afgaradkii 17-ka September iyo kii 16-kii Febraayo.

Horseed Media

HORSEEDMEDIA.NET

Ra'iisul Wasaaraha Xukuumadda Xilgaarsiinta Dowladda Federaalka Soomaaliya Maxamed Xuseen Rooble oo...

 

Share this post


Link to post
Share on other sites

Rooble oo la shiray wakiilada Beesha Caalamka

Ra’iisul wasaaraha Xukuumadda Xilgaarsiinta Soomaaliya Maxamed Xuseen Rooble ayaa shir la qaatay xubnaha wakiilada Beesha Caalamka ee ku sugan magaalada Muqdisho.

Shirkaan ayaa diiradda lagu saaray xaalada siyaasadeed ee Soomaaliya gaar ahaan arimaha geedi socodka doorashooyinka.

Si gaar ah Wakiilada Beesha Caalamka iyo Rooble ayaa shirkooda uga wada hadlay fududeynta howlaha horyaala Ra’iisul Wasaaraha oo ay ugu horeeyaan shirka soo socda ee 20-ka bisha May ee Golaha wadatashiga Qaran kaas oo looga arinsan doono soo afjaridda qodobada la isku khilaafsan yahay ee qabsoomidda doorashada.

Xubnaha Beesha Caalamka ayaa xoogga saaraya sidii hogaamiyayaasha Soomaalida ay u dadajin lahaayeen arimaha doorashooyinka loona soo afjari lahaa mad-madowga iyo khilaafka hareeyay qabsoomidda doorashada oo dhaaftay xiligii loogu talagalay.

HORSEEDMEDIA.NET

Ra'iisul wasaaraha Xukuumadda Xilgaarsiinta Soomaaliya Maxamed Xuseen Rooble ayaa shir la qaatay xubnaha...

 

Share this post


Link to post
Share on other sites

Midowga Musharixiinta oo walaac ka muujiyay Dhex dhexaadnimada RW Rooble

Warsaxaafadeed ku qornaa luuqadda Ingiriiska oo kasoo baxay Midowga Musharixiinta isla markaana loo diray Wakiilada Beesha Caalamka ayaa lagu sheegay Golaha uu walaac ka qabo in Ra’iisul Wasaare Rooble uu dhex-dhexaad ka noqon waayo howlaha doorashada, isla markaana uu u nuglaado cadaadis uga imaanaya dibadda.

Golaha Midowga Musharixiinta ayaa ugu baaqay Ra’iisul Wasaaraha in uu muujiyo Madax banaanidiisa hirgelinta arimaha Doorashada ee dhaaftay wakhtigii loogu talagalay iyagoo ugu baaqay in uu joojiyo safarada dibadda ee aan muhiimka ahayn isla markaana uu si deg deg ah u guda galo howlaha doorashada.

Horaantii Bishan May ayay ahayd markii uu Ra’iisul Wasaare Rooble sheegay in uu la wareegay howlihii doorashada xiligaas oo uu balan qaaday in uu si hufan oo deg deg ah u maareyn doono hirgelinta doorashada dalka.

Warka kasoo baxay Midowga Musharixiinta ayaa kusoo beegmaya xili 20-ka bishan oo Afar cisho ayna naga xigaan ay ku asteysan tahay xilligii uu Ra’iisal Wasaaraha Xil-gaarsiinta Xukuumadda Maxamed Xuseen Rooble iclaamiyay in shir ay Muqdisho isugu imaanayaan Madaxda Dowladaha Xubnaha ka ah Dowladda Federaalka iyo Xukuumadda laguna dardar gelinayo hirgelinta heshiis laga gaaro arimaha Doorashooyinka.

Horseed Media

HORSEEDMEDIA.NET

Xubnaha Golaha Midowga Musharixiinta xilka Madaxweyne ee Soomaaliya ayaa shaki galiyay Howlaha hogaaminta...

 

Share this post


Link to post
Share on other sites

Shirkii Afisyooni Oo Furmay Iyo Farmaajo Oo Ka Maqnaa

Shirkii Wadatashiga Doorashooyinka ee madaxda dowladda Federaalka, dowlad goboleedyada iyo gobolka Banaadir ee ka furmay Teendhada Afisyooni ee magaalada Muqdisho ayaa maalintii koowaad soo gaba-gaboobay.

Shirka Wadatashiga furmay ayaa waxaa looga hadlay sii ambaqaadidda heshiiskii 17-ka September iyo sidii loo xalin lahaa khilaafka hareeyay qabsoomida doorashada dalka ka dhaceysa oo heshiis aan laga gaarin.

Qoraal kasoo baxay madaxweynaha dowlad goboleedka Jubbaland Axmed Maxamed Islaam ayuu rajo wanaagsan kaga muujiyey doodaha Shirka Madaxda, isla markaana ay noqon doonaan doodaha kuwo ku qotoma danta dalka iyo rajada Shacabka Soomaaliyeed.
 

————————————————————

Waxaan rajo weyn ka qabaa in doodaha siyaasadu ay noqdaan kuwo ku qotoma danta dalka iyo rajada Shacabka Soomaaliyeed isla markana dalku uu aado doorasho loo dhan yahay”

Axmed Madoobe

————————————————————-

Shirkaan ka furmay Teendhada Afisyooni ayaa ka duwanaa shirarkii hore ee looga hadlaayay doorashooyinka dalka, waxaana Shirka furitaankiisa ka maqnaa madaxweynaha muddo xileedkiisa dhammaaday Maxamed Cabdullaahi Farmaajo oo maamulka Doorashada wareejiyay.

Horseed Media
 

HORSEEDMEDIA.NET

Shirkii Wadatashiga Doorashooyinka ee madaxda dowladda Federaalka, dowlad goboleedyada iyo gobolka Banaadir ee...

 

Share this post


Link to post
Share on other sites

Rooble: ” Si wanaagsan ayuu noogu furmay Shirka Golaha Wadatashiga Doorashooyinka “

Raysal wasaaraha xil-gaarsiinta ee dowlada federaalka Soomaaliya Maxamed Xuseen Rooble ayaa ka hadlay shirka magaalada Muqdisho uga furmay maanta Dowladda Federaalka iyo Dowladdaha xubnaha ka ah ee looga arrinsanayo arrimaha doorashooyinka.

————————————————————-
“Waxaa maanta si wanaagsan noogu furmay Shirka Golaha Wadatashiga Qaran ee Arrimaha Doorashooyinka. Madaxweyneyaasha Dowlad-goboleedyada iyo Guddoomiyaha Gobolka Banaadir, waxaan uga mahadcelinayaa ka soo qeyb galkooda.Waxaan rajeynayaa in uu Guul noogu dhammaado shirkan muhiimka u ah masiirka dalka.”

RW Maxamed Xuseen Rooble

————————————————————

Saacado ka hor ayuu soo gabagaboobay maalinkii koowaad ee Shirka Golaha Wadatashiga Qaran ee Arrimaha Doorashooyinka ee ka furmay Muqdisho uuna shir guddoomiyay Ra’iisul Wasaare Mohamed Hussein Roble. Shirka oo ku soo idlaalay jawi is faham ayaa la isugu soo laaban doonaa berri oo Axad ah.

Horseed Media

HORSEEDMEDIA.NET

Raysal wasaaraha xil-gaarsiinta ee dowlada federaalka Soomaaliya Maxamed Xuseen Rooble ayaa ka hadlay shirka magaalada...

 

 

 

Share this post


Link to post
Share on other sites

Shirkii Teendhada Afisyooni Oo Maalinkii 2aad Soo Dhamaaday

Waxaa maalintii labaad soo dhammaaday Shirka Wadatashiga Qaran ee Madaxda dowladda Federaalka iyo kuwa maamul Goboleedyada ee ka socday Teendhada Afisyooni ee Magaalada Muqdisho ee Caasimadda dalka.

Shirka oo looga hadlayo dhameystirka heshiiskii 17-kii September ayaa Maanta waxaa ay Madaxda uga doodeen qodobada u baahan in xal laga gaaro ee khilaafka uu ka jiro, si loo qabto doorasho xor oo heshiis lagu wada yahay.
 

Afhayeenka Dowlada Puntland Jaamac Dabaraani oo qoraal soo saaray ayaa waxaa uu ku sheegay in shirka Madaxda uu maalintii labaad kusoo idlaaday si habsami leh, wuuna tilmaamay inuu sii socon doono Shirka, isagoona rajo wanaagsan ka muujiyay natiijada kasoo bixi karta.

Shirka Wadatashiga Qaran ee shalay ka furmay Magaalada Muqdisho ayaa la filayaa in maalmaha soo socda lasoo gaba-gabeeyo, isla markaana heshiis rasmi ah looga gaaro khilaafka hareeyay qabsoomida doorashada dalka ka dhaceysa.

Horseed Media

HORSEEDMEDIA.NET

Waxaa maalintii labaad soo dhammaaday Shirka Wadatashiga Qaran ee Madaxda dowladda Federaalka iyo kuwa maamul...

 

 

Share this post


Link to post
Share on other sites

Wararkii Ugu Dambeeyey Shirka Afisyooni

Shirka Wadashiga Qaran ee Madaxda dowladda Federaalka iyo kuwa dowlad Goboleedyada oo sabtida todobaadkaan ka furmay Teendhada Afisyooni ee Magaalada Muqdisho ayaa Maanta galay maalintii 4aad oo xiriir ah.

Madaxda ayaa dood adeg ka yeeshay saddex qodobo oo dhowr jeer fashiliyay shirar looga hadlaayay Doorashada dalka ka dhaceysa uuna ka taagnaa khilaaf , kuwaasi oo kala ah arrinta Guddiyada doorasho, Gobolka Gedo iyo arrinta Somaliland.

Ra’iisul Wasaare Rooble iyo Madaxda maamulada Jubbaland iyo Puntland ayaa wada dadaalo kala duwan oo ay ku doonayaan in lagu xaliyo khilaafka ka taagan Guddiga maareynta doorashooyinka Gobolada Waqooyi oo ay isku hayaan Guddoomiye Cabdi Xaashi iyo Ra’iisul Wasaare ku-xigeenka dalka.

Shirka Wadatashiga Qaran oo maalintii sabtida ka furmay  Teendhada Afisyooni ayaa maalintii afaraad oo xiriir ah galay, waxaana ka qeyb galaya RW Rooble, Guddoomiyaha Gobolka Banaadir, Madaxda maamulada Jubbaland, Puntland, Galmudug, Hirshabeelle iyo Koonfur Galbeed.

Horseed Media

HORSEEDMEDIA.NET

Shirka Wadashiga Qaran ee Madaxda dowladda Federaalka iyo kuwa dowlad Goboleedyada oo sabtida todobaadkaan...

 

Share this post


Link to post
Share on other sites

Xukuumada Rooble Oo Shaacisay Xiliga Lasoo Xirayo Shirka Madaxda Ee Muqdisho

Shirka Golaha Wadatashiga Qaran ee looga hadlayo arrimaha doorashooyinka oo uu shir guddoominayo Raysal wasaaraha Xukuumadda xilgaarsiinta Maxamed Xuseen Rooble ayaa galay maalintiisi afraad, waxaana laga gaaray natiijo wanaagsan,

Shirka Wadatashiga oo todobaadkaan ka furmay Teendhada Afisyooni ee magaalada Muqdisho ayaa waxaa horumarro laga sameeyay qodobbadii laga wada hadlayay ee khuseeyay doorashooyinka dalka.

Afhayeenka Xukuumadda Maxamed Ibraahim Macallimuu oo warbaahinta la hadlay ayaa ka warbixiyey shirka wadatashiga Qaran ee Doorashooyinka, waxaana uu tilmaamay in Shirka lagu wado in lasoo xiro maalinta khamiista ee soo socota.

—————————————————————

“Ra’iisul Wasaaraha oo had iyo jeer xudun u ahaa wadahadaladana waxaa uu ahaa qofka habeen iyo maalin ka shaqaynayey in shirku uu guuleysto” 

Macalimuu

—————————————————————

Shirka ayaa waxaa ka qeyb galaya Madaxda dowlad Goboleedyada Jubbaland, Puntland, Koonfur Galbeed, Hirshabeelle iyo Galmudug iyo Guddoomiyaha Gobolka Banaadir ahna Duqa Magaalada Muqdisho.

Horseed Media

HORSEEDMEDIA.NET

Shirka Golaha Wadatashiga Qaran ee looga hadlayo arrimaha doorashooyinka oo uu shir guddoominayo Raysal wasaaraha...

 

Share this post


Link to post
Share on other sites
Duufaan   

Tillamook

Finally over?  With all  the drama I hope Garoowe will get the next PM!

Share this post


Link to post
Share on other sites
20 hours ago, Duufaan said:

Tillamook

Finally over?  With all  the drama I hope Garoowe will get the next PM!

Dufaan, you are so backward ninyahow… Puntland is past the stage when mere political offices such as presidency and premiership would suffice to wield political power in Somalia. 😁

After the relentless political thrashing N&N supporters and Useless Farmaajo have gotten from Puntland these past few years, I’m sure you’d agree.😁

I’d personally would like to see one of the laangaab communities of Somalia to get elected this time around for the presidency and/or premiership. Just imagine a hapless h@bar from waqooyiga Soomaaliya  as president of Somalia or some other  Gudhuu Gareen as PM…😂

SOOMAALIYA HA NOOLAATO 

Share this post


Link to post
Share on other sites

Akhriso: War-murtiyeedka Shirka Wadatashiga Qaran Ee Doorashooyinka

Waxaa war-murtiyeed laga soo saaray shirka wadatashiga qaran ee maalmihii lasoo dhaafay ka socday magaalada Muqdisho ee caasimadda Soomaaliya, gaar ahaan xarunta ciidamada cirka ee Afisyooni, halkaasi oo ay ku shirsanayeen Ra’iisul Warasaaraha Xukuumadda xilgaarsiinta Maxamed Xuseen Rooble, Madaxda Dowladaha xubnaha ka ah Dowladda Federaalka Soomaaliya iyo Guddoomiyaha Gobolkani Banaaadir.

Qodobada War-murtiyaadka ayaa waxaa kamid ah in la bedelo xubnaha guddiga Doorashada ee doodda dhaliyay,iyadoo muddo toddobaad gudihiis ah lagu magacaabayo isla markaana guddiga ay dooran doonaan hoggaan cusub.

In Gudoomiyaha Garbahaareey iyo Maamulkiisba uu soo magacaabo Madaxweynaha Jubbaland, in amniga ay sugaan Amisom Boolis ah.

In guddiga doorahada Soomaaliland uu 6Xubnood uu soo magacaabo Gudoomiyaha aqalka sare.

In ciidamada aysan ku milmin siyaasadda.

In 60 Maalmood gudahood ay ku dhacdo Doorashada Soomaaliya.

Arinta Soomaaliland  Waxaa hogaaminaya Ra’iisul Wasaaraha asaga oo la tashanaya Gudoomiyaha aqalka iyo Ra’iisul Wasaare ku xigeenka.

Hoos ka akhriso:

HORSEEDMEDIA.NET

Waxaa war-murtiyeed laga soo saaray shirka wadatashiga qaran ee maalmihii lasoo dhaafay ka socday magaalada...


 

Share this post


Link to post
Share on other sites

Xukuumadda oo sheegtay in Guddiyada Doorashada laga saaray Xubnihii la tuhunsanaa ee muranka dhaliyay

Go’aankan ayaa imaanaysa iyadoo horey musharixiinta xilka Madaxweyne ay horey u soo gudbiyeen liiska xubnaha cabashada laga qabo kuwaasoo ay tuhmeen in ay kamid yihiin Shaqaalaha ,Ciidanka iyo taageerayaasha dowladda.

Wasiiro Gudigan o xalay shir jiraa’id ku qabtay magaalada Muqdisho ayaa shaaciyay baaritaan ay sameeyeen kadib xubnaha ay ku cadaatay eedeynta horey loogu jeediyay intaas kadibna ay go’aansadeen in laga saaro gudiyada Doorashooyinka.

 

Waxa ay sheegeen Guddiga in 48 saacadood gudahood ah lagu soo magacaabayo xubnihii badali lahaa 34 ta xubnood ee guddiyada Doorashada laga saaray.

Dhawaan ayeey aheyd markii Midowga Musharaxiinta ay Ra’iisul Wasaare Rooble u gudbiyeen Liiska ilaa 67 qof oo ah kuwa tuhun la geliyay dhexdhexaadnimada Doorashada kuwaasoo ka tirsan Shaqaalaha dowladda ,Ciidanka iyo Taageerayaasha madaxweyne Farmaajo.

Horseed Media

HORSEEDMEDIA.NET

Guddiga Ra'iisul Wasaaraha Soomaaliya uu u xilsaaray kasoo talabixinta Gudiyada Doorashooyinka heer federaal ayaa xalay...

 

Share this post


Link to post
Share on other sites

June 28, 2021
 

Shirka Golaha Wadatashiga Qaran oo Muqdisho ka Furmay

Shirweynaha Golaha Wadatashiga Qaran ayaa goordhaw ka furmay magaalada Muqdisho.

Shirkan oo uu shir gudoominayo Ra’iisul Wasaare Rooble ayna ka qeybgalayaan Madaxweynayaasha Dowlad goboleedyada ayaa looga hadlayaa arrimo la xiriira Doorashooyinka.

Madaxweynaha Dowlad Goboleedka Hirshabeelle ayaa habka fogaan-arag [Zoom] ugu qeybgalaya Shirka iyadoo la xalliyey tabasho uu ka qabay qabsoomidda shirkan.

Qodobada ugu waa weyn ee hada diiradda lagu saarayo Shirka waxaa kamid ah caqabadihii kasoo laabtay heshiiskii Doorashada ee madaxdu ay gaareen 27-Kii May sida mudadii 60 maalmood ee hirgelinta doorashada oo kala bar mudadaas ay tagtay iyo si guud wax ka badalka Heshiiskii Doorasho ee la gaaray 17-kii September.

Horseed Media

HORSEEDMEDIA.NET

Shirweynaha Golaha Wadatashiga Qaran ayaa goordhaw ka furmay magaalada Muqdisho. Shirkan oo uu shir...

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Restore formatting

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Similar Content

    • By Goosaar15
      Somalia intii ka dambaysay burburkii dawladii dhexe ee Somalia 1991 kii waxa markii ugu horeysay dawlad loogu soo dhisay dalka Djibouti gaar ahaan magaalada Carta, waxaana lagu soo doortay Cabdiqaasim Salaad Xasan sanadkii 2000.
      Magaalada Muqdisho xiligaasi waxa haystay hogaamiye kooxeedyo hubeysan oo mid waliba jufadiisa hor fadhiyo isuna qabo in uu madaxwayne yahay, waxa kale oo soo labaynayey kooxaha xoogaga maxaakiimta oo hubaysnaa ahaana awood qarsoon oo soo kobcaysa.
      Magaalada Muqdisho markii uu ka degay Madaxwayne Cabdi Qaasim Salaad Xasan ( 2000 ilaa 2004 ) waxa ku soo dhaweeyey xoogagaa hubaysan ee markii dambe isku badelay maxaakiimtii islaamiga ahaa, Al-shabab iyo Xisbul Islam, waxa sidoo kale dawladaasi oo dhaafi wayday Hutel Ramadan Muqdisho taageeray laba sadex hogaamiye kooxeed walow aanay awood lahayn .
      Xukuumada madaxwayne Cabdi Qaasim waxa ay yeelatay laba Raisal wasaare oo kala ahaa 1-Cali khaliif Galaydh, 2- Xasan Abshir Farax labadaba Alle ha u naxariisto e, waxaana ka hor yimid markiiba dalka Ethiopia iyaga oo ka cabsi qabay urur diimeedyada faraha badan ee awood doon ka ah in uu ka soo jeedo, gaar ahaan ikhwaanu muslimiin oo saldhigeedu yahay Egypt, waxaana ay xukuumadaasi qaadi kari wayday hal talaabo oo yagleel dawladnimo oo rasmi ah.
      Waxa ku xigtay xukuumadii uu gadhwadeenka ka ahaa madaxwayne Cabdilaahi Yuusuf Axmed (2004 ilaa 2008 ) Alle ha u naxariisto e oo iyada lagu xamanayey in Ethiopia wadato, waxaana lagu soo dhisay magaalada Embaghati ee dalka Kenya sanadkii 2004 .
      Xukuumadaasi waxa ay degtay Baydhabo oo ay ciidamo ku urursatay ay ka mid yihiin ciidankii maamul goboleedka Puntland oo uu Cabdilaahi Yusuf madaxwayne hore uga ahaan jirey iyo ciidamo Ethiopian ah oo badan, waxa Raisal wasaare ka ahaa Cali Maxamed Geedi, halka uu wasiirka arimaha guduhuna ahaa Xuseen Maxamed Faarax Caydiid.
      Dawladii Cabdilaahi Yuusuf hogaaminayey xoog iyo dagaal ayey ku tagtay Villa Somalia, waxaana dhacay dagaalo lagu hoobtay, dawlada Cabdilaahi Yuusuf waxa mus dambeed u ahaa dawlada Ethiopia sidaasi darteed ayey uga hor yimaadeen xoogaga islaamiyiinta ah, waxa kale oo ka hor yimid dadka deegaanka Muqdisho qaybo ka mid ah.
      Waxa dhacay dagaalo culus oo lagaga soo horjeeday in ciidamada Ethiopia Somalia soo galaan maadaama ay yihiin dal ay Somalia cadaawad soo jireen ahi ka dhaxaysay, dagaalkani oo markii dambe ujeedooyin kale yeeshay oo ay ururo argagixiso oo dano kale lihi dhex galeen, waxaa sameysmay mucaarid xoogan oo dal iyo dibad ba isaga yimid oo Asmara isku urursaday oo wadaado iyo siyaasiyiin ba isugu jira.
      Waxa is khilaafay Cabdilaahi Yuusuf iyo Cali Maxamed Geedi oo Raisal wasaare ahaa waxaana noqday oo uu Raisal wasaare ka dhigtay madaxwayne Cabdilaahi yuusuf, Nuur Xasan Xuseen ( Nuur Cade ) oo ay markii dambe is qabteen iyo Cabdilaahi Yuusuf oo loo arkay nin wada aargoosi siyaasadeed oo Ethiopia iska hor yimaadeen, markiiba caalamku cadaadis ku saareen in uu talada wareejiyo.
      Waxaa xigtay in la dhisay dawlad ay ku mideysan yihiin maxaakiimtii islaamiga ahaa oo uu la heshiiyeen maraykanka iyo dawladihii danaynayey arimaha Somalia xiligaasi waxaana lala hadashiiyey intii ka soo hadhay dawladii Cabdilaahi Yusuf oo uu Nuur Cade hogaaminayo waxa la dhisay dawlad ku meelgaadh ah oo wadata baarlamaan ka kooban laba baarlamaan oo la isku daray oo uu hogaaminayo Sheekh Shariif waxaana lagu dhisay dalka Djibouti caasimadiisa Djibouti 2009.
      Xukuumada uu madaxwayne Shariif hogaaminayey (2009 ilaa 2012 ) waxa ay fursad u heshay in ay haykalkii dawladnimo dhisto, diyaariso nidaam dalka Somalia kumeelgaadhka lagaga saarayo, waxaa hawlahaa gadhwadeen ka ahaa Raisal wasaare Maxamed Cabdilaahi Farmaajo oo ku helay sumcad badan iyo Xukuumadiisii la odhan jirey ( TAYO ) .
      Murug iyo isqabsi dhacay ka dib waxa heshiis Kampala lagu gaadhay in Farmaajo iyo xukuumadiisa la rido oo xiligaasi faro baas ku haysay kooxaha argagixisada iyada oo dan loo arkay markaasi cid wadatayba, waxaana heshiiskaa Kampala Accord aqbalay Maxamed Cabdilaahi Farmaajo oo sidaa kaga tagey xilkii, xukuumadiisiina dhacday.
      Waxa kale oo Maamulka Sheekh Shariif iyo sadexdii Raisal wasaare ee kala dambeeyey diyaariyeen hab federal ah in dawladnimada Somalia loo badelo oo maamul goboleedyo la dhiso waxaana la iskula qaatay shirarkii Garoowe 1 iyo Garoowe 2 oo mudo kooban ka horeeyey shirkii London ee dib u dhiska Somalia 2012 oo 52 dawladood oo aduunka ahi ka soo qayb galeen.
      Shirkii London 2012 waxa uu ahaa shirkii ugu horeeyey ee Somaliland iyo Somalia kawada qayb galaan waxaana ku jirey oo ahaa shirarkaasi communique keegii 26 qodob ahaa qodobkiisa 6aad in beesha caalamku adkaynayso in xukuumada ku meelgaadhka ah ee Somalia iyo kuwa ka dambeeyaa wada hadal la furaan Somaliland .
      Waxa ku xigtay xukuumadii uu hogaaminayey Xasan Sheekh Maxamuud (2012 ilaa 2017 ) oo raacaysay qariirdadii Garowe 2 ( Garoowe Two Roadmap ) oo ahaa hirgalinta nidaamka maamul goboleedyada ( federal system) iyo qodobadii ka soo baxay shirkii London 2012 ee dib u dhiska Somalia oo ugu weynaa qodobka wadahadalada Somaliland iyo Somalia, Ethiopia waxa loo arkayey cida dabada ka riixaysa nidaankan ee qorshaheega lagu socdo.
      Xiligaasi xukuumada madaxwayne Xasan Sheekh Maxamuud waxa abuurnayd qadiyad Ethiopia diid ah oo loo arkayey in talada Somalia ay Addis-Ababa faraha kula jirto waxaana si gaar ah saameyn u lahaa General Gabre oo qaabilsanaa arimaha Somalia oo Muqdisho fadhiyey, sidoo kale ciidamada Ethiopia iyo Amisom na taladooda wax weyn ku lahaa.
      Madaxweynihii xigey waxa uu noqday Maxamed Cabdilaahi Farmaajo ( 2017 ilaa hadda 2021 ) fadhiya oo ku ololeeyey in aanay aheyn wax la aqbali karo in Ethiopia Somalia dhexdeeda ka taliso waxaana uu ku helay taageero iyo cudud weyn oo dadku siiyeen xiligaasi maadaama aad loo dareemayey culeyska Ethiopia.
      Ayaan darada dhacday Madaxwayne Farmaajo oo jooga ayaa muwaadiniin soomaaliyeed inta uu qab-qabtay Ethiopia u dhiibay oo uu ka mid ahaa Qalbi dhagax, ka dib markii xukuumadii Tplf meesha ka baxdayna waxa uu noqday garabka koowaad ee Abiy Ahmed iyo dawlada Ethiopia oo ay wada galeen heshiisyo sadex geesood ah dalalka Somalia, Ethiopia iyo Erateria.
      Xigasho hadalsame media
      Maxamed Cabdi Jaamac
      Maxamed Dhimbiil
      FG: Qoraal kasta wuxuu ka tarjumayaa aragtida qoraha ku saxiixan
    • By ayaanle2134
      i want to talk about a sensitive topic which is racism in the somali community which is diasppointing because the people who are discriminated because they a bit darker and kinky hair is really disappointing i mean like what the hell they fucking burned a human being alive because he was from a clan who have more of what they call african features. for those who dont know why he was burned alive is beacuase he married from a person from another clan and the people from that clan said how could a jareer an adoon marry a women from our clan. how could you burn someone alive, how could you burn a fellow somali alive even even if you dont consider him somali or some one equal to you how could you burn a muslim alive  a muslim even if he was not muslim( which he wasnt he was muslim) how could you burn a human alive he had a mother a father people who loved him just like you. just so you know here is a picture of him. here is a link to great man talking about racism(
       

    • By ayaanle2134
      first of all i wanna say that i was born and raised in hargeisa, growing i always hated how some of our people tried so hard to be arabs but what they dont know is that arabs hate somalis. i personally experienced this when i when to saudi arabia as somali people are constantly called african go back to your country. one time a friend told me about a story of him that happened to him, he came late to prayer so some him and his freinds decided to do jamac on their own and this arab guy said he would lead, so he lead but it turns his quran was poor and and the somali guy exited prayer and told him let me lead instead but the arab guy told him that he is african and cant lead him. theres more examples which i would rather not talk about enough of that and back to somaliland i think that our flag doesn't represent somali people why it looks too arab as theres the arabic language all over it instead of our own language even on our emblems its arabic and english and no somali which is very embaressing. which i wish would be changed and am not saying that we should take the shahada of the flag but what am saying is we should write it in our language or use the emblem that is on other muslim countries flags like pakistan and turkey.... i would like you to post alternative flags somaliland should use. here is mine