Deeq A. Posted December 3, 2019 Dibadbaxaan oo ay ka qeyb galeeyn dadweyne fara badan ayaa saaka ka dhacay gudaha degmada Buulo-Burte ee gobolka Hiiraan. Banaanbaxa oo ahaa mid ballaaran ayaa waxaa looga soo horjeeday maamul cusub oo uu dhowaan wasiirka arrimaha gudaha HirShabelle u magacaabay degmadaasi. Sidoo kale wararka ayaa intaasi ku daraya in dibadbaxa oo watay rabshada uu ku dhintay hal qof oo shacab ahaa, islamarkaana ay ku dhaawacmeen labo kale , kadib ay markii rasaas ku fureen ciidanka amniga magaalada Buulo-Burte ee gobolka Hiiraan. Dhinaca kale ciidamada ayaa xasbiga u taxaabay illaa saddex oday dhaqameed oo ka mid ah waxgaradka deegaanka, sida ay Shabelle u xaqiijiyeen ilo deegaanka ah. Xaaladda ayaa haatan kacsan, waxaana weli hakad ku jira dhaq dhaqaaqa guud ee magaaladaasi. Halkan hoose ka daawo Sawirrada: View the full article Share this post Link to post Share on other sites