Xaaf oo shaaciyey in la qabtay dadkii xasuuqa ka gaystay Gaalkacyo

[Dalmar1]

 

Gaalkacyo (Caasimadda Online) – Axmed Ducaale Geelle Xaaf Madaxweynaha dowlad goboleedka Galmudug ayaa ka hadlay dilkii loogu geystey Magaalada Gaalkacyo 13 ruux oo kasoo jeeday degaanada maamulada Hirshabeelle iyo Koonfur Galbeed.

Axmed Ducaale Geelle Xaaf ayaa sheegay in dadkii ka dambeeyay dilkii loo geystey illaa 13 ruux  oo xoogsato la qabtay caddaaladana la horgeyn doono.

“Dadka ka dambeeyay dilka waxa ay ahaayeen dad weyraxsan kadib markii maqribnimadii la diley sarkaal.”ayuu u sheegay Xaaf laanta afka soomaaliga ah ee BBCda.

Madaxweynaha ayaa ugu baaqay dadka Shacabka ee Koonfur Galbeed in ay isdejiyaan, islamarkaana dadkaasi dhibaatadda geystay Sharciga la marsiin doono.

Dhinaca kale Madaxweynaha dowlad goboleedka Koofurgalbeed Cabdicasiis Laftagareen ayaa ka codsaday Maamulka Galmudug inay wax ka qabtaan dilalka loo geysanayo dadka rayidka ah ee ku nool deegaanada Galmudug.

Illaa 13 ruux oo ka soo kala jeeda deegaanad Koofurgalbeed iyo Hirshabelle ayaa lagu diley xalay magaalada Gaalkacyo iyagoo dadkaasi la sheegay inay ahaayeen dad xoogsato ah oo laga soo saaray guryo ay ka degenaayeen magaalada Gaalkacyo.

 

[Miskiin-Macruuf-Aqiyaar]

"Weyraxsan" kulahaa.

"Xoogsato" haddana ee qorayaan. Dadkii ganacsanaaye ayaaba xoogsato noqday. Kuwii shaxaadka ku noolka meesha buuxo maxee yihiin taloow? Afmiinshaaro?

Xaaf asagaa ka masuul ah xasuuqa dhacay. Inta kuwa labada xasuuq geystay tiirka dil toogashada laga geynaayo asagaa masuulnimadeeda leh.

[Dalmar1]

 

 

[gooni]

(Wayrax) hadaad maqasho, waxaa wayraxa lo'da, ma lo' buu masuul ka yahay mise dad?

Waxaan dhagaystay waraysi uu idaacad siiyay uu ku sheegay inay dad badan soo xireen ilaa 20'tan ka gaaraya, hadana wuxuu gadaal ka raaciyay inkastoo aysan ahayn kuwii wax laayay, su'aashu waxay tahay maxay usoo xirxireen hadaysan waxba gaysan?!!

Waa nin wareersan nairobi buu tubaakadiisii kusoo iloobay.